សាកនឿណាមតុកម្តងមើល៍!
តើអ្នកចង់សាកល្បងប្តូររសជាតិទៅ ភ្លក់អាហារថៃដែរឬទេ? សប្តាហ៍នេះ បើអ្នកមិនបានទៅកម្សាន្តនៅកន្លែងណាទេ និងចង់សាកល្បងធ្វើអាហារនៅផ្ទះ Sabay សូមណែនាំមុខម្ហូបមួយមុខដែលមានឈ្មោះថា “នឿណាមតុក”។ ខាងក្រោមនេះគឺជាវិធីចម្អិននឿណាមតុក ដែលណែនាំដោយ នាយិកាប្រចាំមជ្ឈមណ្ឌលបណ្តុះបណ្តាលធ្វើនំនិងម្ហូបKSK។
- សាច់គោ
- ទឹកស៊ីអ៊ីវ
- ប្រេងខ្យង
- ម្ទេសខ្មាំង
- ម្ទេសដៃនាង
- អង្ករលីង
- ស្ករស
- ទឹកត្រី
- ខ្ទឹមស
- ខ្ទឹមក្រហម
- ស្លឹកខ្ទឹម
- ជីរណា
- ជីអង្កាម
- និងក្រូចឆ្មារ
- សាច់គោហាន់ជា២ៗធ្នាប់ រួចយកទៅអាំងជាមួយទឹកស៊ីអ៊ីវ និងប្រេងខ្យង។
- អាំងពី៥ទៅ១០នាទី។
- ម្ទេសខ្មាំងហាន់ខ្លីៗ
- ខ្ទឹមសចិញ្ច្រាំឲ្យល្អិត
- ខ្ទឹមក្រហមហាន់បន្ទះស្តើងៗ
- ឯស្លឹកខ្ទឹម និងជីរណាហាន់ខ្លីៗ
- បន្ទាប់មកយកសាច់គោអាំងទៅលាយគ្រឿង មានស្ករស ម្ទេសខ្មាំង អង្ករលីង ទឹកត្រី ខ្ទឹមសចិញ្ច្រាំ ខ្ទឹមក្រហម និងទឹកក្រូចឆ្មារ។
- ច្របល់ឲ្យចូលជាតិគ្នាឲ្យសព្វ រួចដួសដាក់ចាន រោយស្លឹកខ្ទឹម ជីរណា ជីអង្កាម និងលម្អដោយម្ទេសដៃនាងជាការស្រេច។
ម្ហូបនេះ អាចញ៉ាំផ្ទាល់ជាមួយបាយក៏បាន
ឬក៏ផ្ទាប់ជាមួយអន្លក់ទៀត រឹតតែធ្វើឲ្យម្ហូបនេះមាន ឱជារសឈ្ងុយ
ឆ្ងាញ់ពិសារ។
សាកល្បងធ្វើ នឿណាមតុក ដើម្បីទទួលបានរសជាតិថ្មីប្រចាំសបា្តហ៍។អត្ថបទ៖ ផល្លា សុម៉ាលីណា
អត្ថបទនេះ ៖ដកស្រង់ចេញពីគេហទំព័រសប្បាយ
No comments:
Post a Comment